khuda ke fazl se hum par he saaya gause aazam ka

khuda ke fazl se hum par he saaya gause aazam ka

hume dono jahaan me he sahaara gause aazam ka


mureedi la-takhaf keh kar tasalli di gulaamo ko

qayaamat tak rahe be-kahuf bandaa gause aazam ka

humaari laaj kis ke haath he baghdaad wale ke

musibat taal dena kaam kis ka gause aazam ka

hui ek deo se ladki riha us naam leva ki

padha jungal me jab usne wazifa gause aazam ka

rasulullah ka dushman he gaus e paak ka dushman

rasulullah ka pyaara he pyaara gause aazam ka

gaye ek waqt me sattar mureedo ke yahaa aaka

samaj me aa nahi sakta muamma gause aazam ka

azizo kar chuko taiyaar jab mere janaaze ko

to likh dena kafan par naam leva gause azzam ka

farishto rok te ho kyo muje jannat me jane se

ye dekho haath me daaman he kis ka gause aazam ka

lahad me jab farishte muj se puchhege to keh duga

tariqa qaadri hu naam leva gause aazam ka

janaab ghaus dulha aur baraati auliya honge

mazaa dikhlayega mehshar me sehra ghaus e aazam ka

nidaa dega munaadi hashr me yu qaadriyo ko

kidhar he qaadri karle nazaara gause aazam ka

mukhalif kya kare mera ke he behad karam muj par

khuda ka rahmatallil aalmeen ka gause aazam ka

farishte madrasse tak saath pahonchaane ko jate the

ye darbaare ilaahi me he rutba gause aazam ka

salasile jahan kyu gar na unke rob se kaampe

na laya sher ko khatre me kutta ghause aazam ka

jameel e qaadri sau(100) jaan ho qurbaan murshid par

banaaya jis ne hum jaiso ko bandaa gause aazam ka

3 comments:

Sayed Mahmood said...

SubhaanAllah!Mad'dha-e-Habeeb SallAllahuAlayJiWaSallam, Huzoor Jameel-ur- Rahmaan Qadri Barkaati Razvi (RadiAllahuAnhu).

syed said...

subhanallah .ya gous-e-azam al-madad

Jee said...

Masha allah bohot khoob

Post a Comment

Twitter Delicious Facebook Digg Stumbleupon Favorites More